طارق فتحي قصيدة يامصر متخافيش
كما عودناكم في اكتشاف المواهب الشبابية
التي تزخر بها قريتنا قصير بخانس
ونرفع قبعتنا احتراما وتشجيعا لهم
نحو التقدم الي مايتمنوة ويرغبون
في تحقيقة
اليوم اسمحولي ان اقدم ابن من
ابناء القرية ( قصير بخانس )
يهوي الشعر ويعشق الكلمات
لذلك اليوم نقدم قصيدة له
يشرح مدي عشقة لمصر وحبة لها.
هو الشاعر المحاسب / طارق فتحي جاد الرب
وهي اسم القصيدة / يا مصر متخافيش
كلمات ألمحاسب / طارق فتحي جاد الرب جبريل
_______________________
يامصر متخافيش
ولادك مهما اختلفوا
بيتجمعوا كل صبح في طبور العيش
بيسهروا كل ليلة مع بعض علي القهوة
مهو شغل مفيش يا دوب الي بيشتغل بية
في يومة بيشرب بية حشيش
فاكره يا مصر أبطال أكتوبر
البطل إلي كان شايل مدفع في يمينه
وصندوق رصاص في شماله
كأنة شايل ريش
اهو الشباب ده دلوقتي منة مفيش
بيقولوا لسه فاضل شوية هناك
في الجيش
يا مصر متخافيش
لو حد قلك ولادك بيقتلو بعض متصدقيش
ده شغل افلام في بالك متخديش
هو صحيح في اثنين هنا ماتوا
وثلاثة هناك بس عادي دول حياتهم
أساسا متسويش قالوا زمان
أذا الشعب يوما أراد الحياة
فلابد أن يستجيب القدر
وقدرهم انه ولا واحد من الأحرار يعيش
ولو واحد عاش علي مكانه
يا مصر متسئليش
يا مصر متخافيش أنا هعملك ليمون
ولا أقولك أنا النهاردة
وقعت علي صباع حشيش مقولكيش انتي
زعلتي طيب خلاص متزعليش
بس هو ده حالك يا مصر وانا من صغري
اتعودت احكي مخبيش يا مصر احنا
شايلين الهم من صغرنا أيام مكنا
نلعب في الهيش يا مصر دا احنا علشان
نعيش بنبعد عنك علشان جواكي
مفيش يا مصر أنتي فاكره
ولادك خونة طيب أنا معاكي في خاين مش
لاقي ياكل عيش يا مصر
والله أحنا بنحبك بس حب من طرف
واحد مياكلشي عيش طيب
أقولك علي حاجة تعرفي رمضان السنة
دي محدش حس بيه كأنة مفيش
طيب فاكره فوازير رمضان بتاعتة زمان
ياااااااه ايام متتنسيش دلوقتي بنسمع ..اشتباكات ..مناوشات مفاوضات ...
تشويش وصرح السيد المسئول عن
اسفة تيت تيت تيت تيت تيت نعتزر
عن قطع الإرسال يبدوا انه هناك
تشويش اقلب يا عم هاتلنا
حاجة تانية ( مزاااااج الخييير )
ايوه هو ده عايزين نظبط النغاشيش
شفتي يا مصر احنا حلوين ازاي
اهدي انتى يا مصر بس ومتخافيش بس
علشان خاطري لو حد سالك مين
حكالك علي اسمي متقوليش مصر
يا مصر أنتي فين ما داهيه لتكوني
روحتي تبلغي عني ولا كلامي
معجبكيش
تحياتي لكم عنتر عبدالنعيم ( ابومصطفي )
تعليقات
إرسال تعليق